A secretaria xeral de Pesca visita a nova líña de procesado de mexillón fresco de OPMEGA en Muros
mapa.gob.es/…pmega-en-muros/tcm:30-664905
– Esta nova planta envasa o produto en bandexas en atmósfera modificada, en lugar das tradicionais bolsas de malla, o que permitirá unha maior durabilidade.
6 de novembro de 2023. A secretaria xeral de Pesca, Isabel Artime, visitou hoxe en Muros (A Coruña) a nova liña para mexillón fresco na planta da Organización de Produtores de Mexillón de Galicia (OPMEGA). Esta nova liña, que supuxo un investimento de máis de 1,3 millóns de euros, permitirá presentar o mexillón no mercado dunha forma totalmente afastada do formato habitual en bolsa de rede plástica. O novo envasado en bandexas realizarase en atmosfera modificada e permite garantir unha maior durabilidade do produto.
Isabel Artime destacou que se trata dun proxecto moi innovador e un exemplo de bo aproveitamento dos fondos europeos, que proxecta ademais un produto moi adecuado para as novas demandas dos consumidores.
Artime reiterou o importantísimo papel que xogan as Organizacións de Produtores da Pesca (OPP) na innovación e valorización dos produtos. OPMEGA foi recoñecida como Organización de Produtores da Pesca (OPP) de ámbito nacional o 30 de decembro de 1986. Posteriormente, e grazas á entrada dun socio portugués, concedéuselle o recoñecemento como OPP de ámbito transnacional con data 5 de xullo de 2022. Trátase dunha OPP de acuicultura que actualmente conta con 401 socios e 633 bateas, distribuídas nas rías de Muros e Noia, Arousa, Pontevedra, Vigo e Portugal.
Desde 2014, o Ministerio de Agricultura, Pesca e Alimentación concederon a OPMEGA axudas para a preparación e aplicación dos plans de produción e comercialización por máis de 8 millóns de euros. Entre as medidas implementadas pola organización destaca a posta en marcha de dúas plantas de procesado. Ademais desta nova que visitou hoxe a secretaria xeral, no ano 2020 puxo en marcha unha planta de calibraje e cocedero de mexillón en Boiro, cun investimento de case 2,8 millóns de euros, que se ampliou despois cunha liña de conxelado e envasado que requiriu unha cantidade de máis de 1,8 millóns de euros.